Al-Mursalat

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلْمُرْسَلَٰتِ عُرْفًا ۞ 1

ވިދިވިދިގެން އަންނަ ވައިރޯޅިތަކާއި،

فَٱلْعَٰصِفَٰتِ عَصْفًا ۞ 2

އަދި ގަދަޔަށް އަންނަ ބާރު ވައިރޯޅިތަކާއި،

وَٱلنَّٰشِرَٰتِ نَشْرًا ۞ 3

އަދި ވިލާތައް ފަރާތްފަރާތަށް ފަތުރާ ވައިރޯޅިތަކާއި،

فَٱلْفَٰرِقَٰتِ فَرْقًا ۞ 4

ޙައްޤާއި ބާޠިލު ވަކިކުރާ (ޤުރްއާނުގެ) އާޔަތްތަކާއި،

فَٱلْمُلْقِيَٰتِ ذِكْرًا ۞ 5

އަދި ހަނދުމަކޮށްދޭ އާޔަތްތައް (ރަސޫލުންނަށް) ގެނެސްދެއްވާ މަލާއިކަތުން ގަންދެއްވަމެވެ.

عُذْرًا أَوْ نُذْرًا ۞ 6

ޢުޛުރު ނެތިކުރެއްވުމަށާއި، އިންޛާރު ކުރެއްވުމަށެވެ.

إِنَّمَا تُوعَدُونَ لَوَٰقِعٌ ۞ 7

ހަމަކަށަވަރުން، ތިޔަބައިމީހުންނަށް ވަޢުދު ކުރައްވާ ކަންތަކީ، ވާނޭކަންތައްކަން ކަށަވަރެވެ.

فَإِذَا ٱلنُّجُومُ طُمِسَتْ ۞ 8

ފަހެ، ތަރިތަކުން އޭގެ އަލިކަން ފުއްސަވައިފިހިނދެވެ.

وَإِذَا ٱلسَّمَآءُ فُرِجَتْ ۞ 9

އަދި އުޑު ފަޅައިގެން ހިނގައްޖެހިނދެވެ.

وَإِذَا ٱلْجِبَالُ نُسِفَتْ ۞ 10

އަދި ފަރުބަދަތައް ކުނޑިކުނޑިވެގެން ހިނގައްޖެހިނދެވެ.

وَإِذَا ٱلرُّسُلُ أُقِّتَتْ ۞ 11

އަދި ރަސޫލުން ކަނޑައެޅިގެންވާ ވަގުތަށް އެއްކުރައްވައިފިހިނދެވެ.

لِأَىِّ يَوْمٍ أُجِّلَتْ ۞ 12

އެކަންތައްތައް ފަސްކުރައްވާފައިވަނީ، ކޮންދުވަހަކަށް ހެއްޔެވެ؟

لِيَوْمِ ٱلْفَصْلِ ۞ 13

ނިޔާކުރައްވާ ދުވަހަށެވެ.

وَمَآ أَدْرَىٰكَ مَا يَوْمُ ٱلْفَصْلِ ۞ 14

އަދި ނިޔާކުރައްވާ ދުވަހަކީ، ކޮންދުވަހެއްކަން ކަލޭގެފާނަށް އަންގައިދިނީ ކޮންއެއްޗެއްތޯއެވެ؟

وَيْلٌ يَوْمَئِذٍ لِّلْمُكَذِّبِينَ ۞ 15

ދޮގުކުރާ މީހުންނަށް އެދުވަހުން ގެއްލުމާއި ހަލާކު ހުށްޓެވެ.

أَلَمْ نُهْلِكِ ٱلْأَوَّلِينَ ۞ 16

ތިމަންރަސްކަލާނގެ، އިސްވެދިޔަ މީހުން ހަލާކު ނުކުރައްވަންހެއްޔެވެ؟

ثُمَّ نُتْبِعُهُمُ ٱلْـَٔاخِرِينَ ۞ 17

ދެން ތިމަންރަސްކަލާނގެ އެއުރެންގެ ފަހަތުން ފަހުގެ މީހުން ގެންދަވާހުށީމެވެ.

كَذَٰلِكَ نَفْعَلُ بِٱلْمُجْرِمِينَ ۞ 18

ކުށްވެރިންނާމެދު، ތިމަންރަސްކަލާނގެ ކަންތައް ކުރައްވަނީ އެފަދައިންނެވެ.

وَيْلٌ يَوْمَئِذٍ لِّلْمُكَذِّبِينَ ۞ 19

ދޮގުކުރާ މީހުންނަށް އެދުވަހުން ގެއްލުމާއި، ހަލާކު ހުށްޓެވެ.

أَلَمْ نَخْلُقكُّم مِّن مَّآءٍ مَّهِينٍ ۞ 20

ދެރަވެގެންވާ ފެނަކުން (އެބަހީ: މަނިފޮދަކުން) ތިމަންރަސްކަލާނގެ ތިޔަބައިމީހުން ނަހައްދަވަން ހެއްޔެވެ؟

فَجَعَلْنَٰهُ فِى قَرَارٍ مَّكِينٍ ۞ 21

ފަހެ، ރައްކާތެރިވެގެންވާ ތަނެއްގައި، (އެބަހީ: ރަޙިމުގައި) ތިމަންރަސްކަލާނގެ އެ ފެން ލެއްވީމެވެ.

إِلَىٰ قَدَرٍ مَّعْلُومٍ ۞ 22

އެނގިގެންވާ މުއްދަތަކަށެވެ.

فَقَدَرْنَا فَنِعْمَ ٱلْقَٰدِرُونَ ۞ 23

ފަހެ، ތިމަންރަސްކަލާނގެ (އެހުރިހާކަމެއް) މިންވަރު ކުރެއްވީމެވެ. ފަހެ، މިންވަރުކުރައްވާ ކަލާނގެ މޮޅުކަމާއެވެ!

وَيْلٌ يَوْمَئِذٍ لِّلْمُكَذِّبِينَ ۞ 24

ދޮގުކުރާ މީހުންނަށް އެދުވަހުން ގެއްލުމާއި ހަލާކުހުށްޓެވެ.

أَلَمْ نَجْعَلِ ٱلْأَرْضَ كِفَاتًا ۞ 25

ދިރިތިބި މީހުންނާއި، މަރުވެފައިވާ މީހުން އެތަނަށް އެއްކުރައްވާނެ ތަނެއް ކަމުގައި، ތިމަންރަސްކަލާނގެ ބިން ނުލައްވަން ހެއްޔެވެ؟

أَحْيَآءً وَأَمْوَٰتًا ۞ 26

ދިރިތިބި މީހުންނާއި، މަރުވެފައިވާ މީހުން އެތަނަށް އެއްކުރައްވާނެ ތަނެއް ކަމުގައި، ތިމަންރަސްކަލާނގެ ބިން ނުލައްވަން ހެއްޔެވެ؟

وَجَعَلْنَا فِيهَا رَوَٰسِىَ شَٰمِخَٰتٍ وَأَسْقَيْنَٰكُم مَّآءً فُرَاتًا ۞ 27

އަދި ތިމަންރަސްކަލާނގެ އެ ބިމުގައި ހަރުލައިހުންނަ އުސްފަރުބަދަތައް ލެއްވީމެވެ. އަދި ތިމަންރަސްކަލާނގެ ތިޔަބައިމީހުންނަށް މީރުފެން ބޯންދެއްވީމެވެ.

وَيْلٌ يَوْمَئِذٍ لِّلْمُكَذِّبِينَ ۞ 28

ދޮގުކުރާ މީހުންނަށް އެދުވަހުން ގެއްލުމާއި ހަލާކު ހުށްޓެވެ.

ٱنطَلِقُوٓا۟ إِلَىٰ مَا كُنتُم بِهِۦ تُكَذِّبُونَ ۞ 29

(އެއުރެންނަށް އަންގަވާނެތެވެ.) ތިޔަބައިމީހުން ދޮގުކޮށްއުޅުނު ކަންތަކަށް ތިޔަބައިމީހުން ހިނގައިދާށެވެ!

ٱنطَلِقُوٓا۟ إِلَىٰ ظِلٍّ ذِى ثَلَٰثِ شُعَبٍ ۞ 30

ތިންކަތްޕަށް ކަފިވެފައިވާ ހިޔަންޏެއްގެ ތެރެޔަށް (އެބަހީ: ނަރަކައިގެ އަލިފާންގަނޑުގެ ދުމުގެ ތެރެޔަށް) ތިޔަބައިމީހުން ހިނގައިދާށެވެ!

لَّا ظَلِيلٍ وَلَا يُغْنِى مِنَ ٱللَّهَبِ ۞ 31

(އެއިން) ހިޔަލެއްވެސް ނުދެތެވެ. އަދި ހުޅުގަނޑުގެ ހޫނުން ސަލާމަތްކޮށެއްވެސް ނުމެދޭމެއެވެ.

إِنَّهَا تَرْمِى بِشَرَرٍ كَٱلْقَصْرِ ۞ 32

ހަމަކަށަވަރުން، ބޮޑެތި ގަނޑުވަރުފަދަ ކަނިތައް، އެ ހުޅުގަނޑު އުކައެވެ.

كَأَنَّهُۥ جِمَٰلَتٌ صُفْرٌ ۞ 33

އެ ކަނިތައް، ރީނދޫކުލައިގެ ޖަމަލުތަކެއް ފަދައެވެ.

وَيْلٌ يَوْمَئِذٍ لِّلْمُكَذِّبِينَ ۞ 34

ދޮގުކުރާ މީހުންނަށް އެދުވަހުން ގެއްލުމާއި ހަލާކު ހުށްޓެވެ.

هَٰذَا يَوْمُ لَا يَنطِقُونَ ۞ 35

މިއީ އެއުރެންނަށް ބަސްނުމޮށެވޭނޭ ދުވަހެވެ.

وَلَا يُؤْذَنُ لَهُمْ فَيَعْتَذِرُونَ ۞ 36

އަދި އެއުރެން ޢުޛުރު ދެއްކުމަކަށް، އެއުރެންނަކަށް އިޛުނައެއް ނުމެދެއްވާނޭމެއެވެ.

وَيْلٌ يَوْمَئِذٍ لِّلْمُكَذِّبِينَ ۞ 37

ދޮގުކުރާ މީހުންނަށް އެދުވަހުން ގެއްލުމާއި، ހަލާކު ހުށްޓެވެ.

هَٰذَا يَوْمُ ٱلْفَصْلِ جَمَعْنَٰكُمْ وَٱلْأَوَّلِينَ ۞ 38

(ވަޙީ ކުރައްވާނެތެވެ.) މިއީ ނިޔާކުރެއްވުމުގެ ދުވަހެވެ. ތިމަންރަސްކަލާނގެ ތިޔަބައިމީހުންނާއި، އަދި ކުރީގެ މީހުން އެއްކުރެއްވީމެވެ.

فَإِن كَانَ لَكُمْ كَيْدٌ فَكِيدُونِ ۞ 39

ފަހެ، ތިޔަބައިމީހުންނަށް ހަދާނޭ ޙީލަތެއް ލިބިގެންވާނަމަ، ފަހެ، ތިމަންރަސްކަލާނގެއާމެދު ތިޔަބައިމީހުން ޙީލަތް ހަދައިބަލާށެވެ!

وَيْلٌ يَوْمَئِذٍ لِّلْمُكَذِّبِينَ ۞ 40

ދޮގުކުރާ މީހުންނަށް އެދުވަހުން ގެއްލުމާއި، ހަލާކު ހުށްޓެވެ.

إِنَّ ٱلْمُتَّقِينَ فِى ظِلَٰلٍ وَعُيُونٍ ۞ 41

ހަމަކަށަވަރުން، ތަޤްވާވެރިންވަނީ، ހިޔާތަކާއި، ފެން އާރުތަކުގެ ނިޢުމަތުގައެވެ.

وَفَوَٰكِهَ مِمَّا يَشْتَهُونَ ۞ 42

އަދި އެއުރެން ހިތްއެދޭ މޭވާތަކުގެ ތެރޭގައެވެ.

كُلُوا۟ وَٱشْرَبُوا۟ هَنِيٓـًٔۢا بِمَا كُنتُمْ تَعْمَلُونَ ۞ 43

(އަދި އަންގަވާނެތެވެ.) ތިޔަބައިމީހުން ކޮށްއުޅުނު ޢަމަލުތަކުގެ ސަބަބުން، އަރާމު ލިބެނިވިގޮތުގައި ތިޔަބައިމީހުން ކައިބޮއި އުޅޭށެވެ!

إِنَّا كَذَٰلِكَ نَجْزِى ٱلْمُحْسِنِينَ ۞ 44

އިޙްސާންތެރިންނަށް ހަމަކަށަވަރުން، ތިމަންރަސްކަލާނގެ ޖަޒާ ދެއްވަނީ އެފަދައިންނެވެ.

وَيْلٌ يَوْمَئِذٍ لِّلْمُكَذِّبِينَ ۞ 45

ދޮގުކުރާ މީހުންނަށް އެދުވަހުން ގެއްލުމާއި، ހަލާކު ހުށްޓެވެ.

كُلُوا۟ وَتَمَتَّعُوا۟ قَلِيلًا إِنَّكُم مُّجْرِمُونَ ۞ 46

(ދުނިޔޭގައި) ކުޑަހިނދުކޮޅަކަށް ތިޔަބައިމީހުން ކައި، އަރާމުކޮށް އުޅޭށެވެ! ހަމަކަށަވަރުން، ތިޔަބައިމީހުންނީ، ކުށްވެރިންނެވެ.

وَيْلٌ يَوْمَئِذٍ لِّلْمُكَذِّبِينَ ۞ 47

ދޮގުކުރާ މީހުންނަށް އެދުވަހުން ގެއްލުމާއި، ހަލާކު ހުށްޓެވެ.

وَإِذَا قِيلَ لَهُمُ ٱرْكَعُوا۟ لَا يَرْكَعُونَ ۞ 48

ތިޔަބައިމީހުން (ނަމާދުކޮށް) ރުކޫޢު ކޮށްއުޅޭށޭ އެއުރެންނަށް ބުނެފިނަމަ، އެއުރެން ރުކޫޢު ކޮށެއް ނޫޅެތެވެ.

وَيْلٌ يَوْمَئِذٍ لِّلْمُكَذِّبِينَ ۞ 49

ދޮގުކުރާ މީހުންނަށް އެދުވަހުން ގެއްލުމާއި، ހަލާކުހުށްޓެވެ.

فَبِأَىِّ حَدِيثٍۭ بَعْدَهُۥ يُؤْمِنُونَ ۞ 50

ފަހެ، އެ ޤުރްއާނަށްފަހު، އެއުރެން އީމާން ވަނީ، ކޮން ވާހަކައަކަށް ހެއްޔެވެ؟